Tetun: GRUPO HABURAS HORTIKULTURA IHA ALDEIA GALITAS,SUKU TASILIN,POSTO ADMINISTRATIVO ZUMALAI, MUNICIPIO COVALIMA .

Informasaun Media SASCAS – 27/10/2022, Sexta semana kotuk Ekipa SASCAS halo monitorizasaun ba Grupo Haburas Hortikultura ne’ebe localiza iha Aldeia Galitas Municipio Covalima hodi hare direita prosesu ezekusaun no implementasaun ba programa Haburas Hortikultura liu husi atividade kuda modo, atividade Grupo ne’e mai husi fundos apoio Governo RDTL liu husi fundos Subvensaun SASCAS hodi apoio grupo formandu sira ne’ebe organiza an liu husi servisu hamutuk hodi dezenvolve rai abandonadu sira hodi halo atividade hortikultura iha rai produtivo hektares ida resin. Jestor Antonio Ximenes hakarak informa katak atividade Hortikultura ne’e sai ona atividade regular ba grupo Galitas atu invenste sira nia rekursu humanu no apoio governo nian halo deit to’os abandonadu hodi sai to’os produtivo ne’ebe bele kontribui ba hadiak sira nia rendimentu grupo specialmente ba kada uma kain liu husi kuda modo ho variadade oi –oin, tuir observasaun ekipa iha terenu grupo galitas halo ona mobilizasaun rekursu husi apoio governo nian fila rai, no kuda ona modo lubuk ida balun iha fase koileta no balun iha fase preparasaun, beneficiario ba grupo ne’e hamutuk 15 pessoas mane hamutuk 10 no feto hamutuk 5. Sr. Antonio Ximenes sente kontente tanba familia hirak ne’e uja to’os ho hektares ida resin ne’e Hanesan fatin ba servisu no buka osan, sira hili halo atividade hortikultura ho razaun ida katak volume konsumidores sae maibe produsaun ba modo lokal menus, maske modo importasaun mai bebeik maibe la konsege kobre nesecidade konsumidores iha Municipio, iha parte seluk, jestor ne’e realsa liutan katak produsaun modo ne’e nia volume kompras a’as tanba modo lokal baratu,fresku ho organiku tebes bainhra konsumo fo nutrisaun diak ba saude. Iha sorin seluk Chefe Suco Tasilin hateten nia parte kontente no hakarak hato’o kongratulasaun ba VIIIGC liu husi servisu Tutela iha SASCAS tanba bele fo apoio ona sira nia komunidade hodi halo atividade hortikultura hodi reforca no hasae sira nia rendimentu uma kain no hamenus dezempregu ba nia komunidade sira iha grupo Galitas. Chefe Suco ne’e haklean nia sente atividade ne’e hanesan atividade produtivo ida que bele hetan osan depende ba ita nia badinas no prestasaun servisu atu halo hira mak ita bele, produsaun a’as, rendimento kada semana no fulan bele sustenta ona nesecidades uma laran no apoio oan sira ba escola no bele uja mos ba halo buat seluk iha vida moris, Nia haktuir liutan dadaun ne’e komunidade maioria konhece ona hortikultura iha tasilin tanba maioria konsumidores sira mai direita sosa modo iha grupo Galitas nia to’os, iha to’os Tasilin kuda modo ho variadade oi -oin hanesan, Alfase tahan no fuan, Mostarda ,lis tahan, aimanas kik no bot, pimenta bot, baria no fore naruk. Iha sorin seluk Alarico Barros nudar jerente ba projeto Haburas hortikultura hatutan nia parte apresia ba programa SASCAS hodi apoio direita atividade husi grupo komunitario sira nudar mos meus ida atu lori komunidade hola parte iha programa governo nian ho objetivo atu lori povu sente PEDN no valoriza direitu popular ne’ebe konsagra ona iha Artigu 6 Konstiuisaun RDTL. Ikus liu Jerente Grupo Haburas Hortikultura hateten total montante aprovado hamutuk $8,000.00 , iha fase dahuluk 40% SASCAS transfere ona Orsamento ho montante $3,199.50. orsamento 40% ezekuta ona ba atividade hanesan ; atividade plantasaun, atividade planta modo, Sosa fini modo, sosa ekipamentus apoio hostikultura, apoio administrasaun no operasaional ba suporta programa iha fatin base. Remata*

Official Media SASCAS - PM.