Benutzer:Shi Annan/Billy-Barquedier-Nationalpark
Vorlage:Infobox Natschonalpark De Billy-Barquedier-Natschonaalpark is en 6,58 km² groten Natschonaalpark in de Maya-Bargen. De Park höört to dat Stann Creek Valley in’n Distrikt Stann Creek von dat Land Belize. De Park liggt op en Höögd twüschen 100 un 500 Meter över de See un is mit tropischen Regenwoold bewussen.
De Park is in’n Dezember 2001 inricht worrn un höört in de IUCN-Kategorie II. De Verwaltung övernimmt de Steadfast Tourism and Conservation Association (STACA). De eersten Anfäng hett dat al 1994 geven, as de Öörd Steadfast, Alta Vista un Valley Community fleten Water kregen hebbt, dat sik ut dat Rebeed von’n Park spiest. De Steadfast Tourism and Conservation Association hett sik dorüm billt, üm dat Rebeed to schulen. So is dat 2001 en Natschonaalpark worrn un STACA 2003 en NGO.
De Natschonaalpark grenzt in’n Noorden an de Manatee Forest Reserve. In’n Süden doot de beiden Dörper Valley Community un Steadfast an’n Hummingbird Highway liggen.
Nöömt is de Park na’n söven Kilometer langen Billy Barquedier Creek, de dör’n Süden von’n Park flütt un in’n North Stann Creek münnt. Barquedier is en Woord, dat in de Karibik begäng is un en Anleggplatz för Bööd betekent (ok woll barcadere oder barquadier schreven). De Begreep is verwandt mit Vorlage:Smiley: Der Parameter es wurde nicht erkannt! un Vorlage:Smiley: Der Parameter fr wurde nicht erkannt! . Woneem de Beek den Naam genau her hett, is aver nich bekannt.
Dat Water ut’n Noorden von’n Park flütt över’n Mullins River af. Düsse Stroom billt ok de Noordgrenz von’n Natschonaalpark.
Weblenken
[Bearbeiten | Quelltext bearbeiten]- Websteed von’n Park (engelsch)
[[Kategorie:Natschonalpark]] [[Kategorie:Distrikt Stann Creek]]